شەفەق نيوز- ئيران

حزب ئازادی کوردستان، ئۆپۆزسیۆن ئیران، ئمڕوو چوارشەممە، ئاشکرا کرد کە ئیران هەڵمەتەیل دەسگیرکردن فراوانیگ لە ناوچەل کورد جیوەجی کەێد، ئەوەیش دویای جەنگی وەرد ئیسرائیلەو، و بەشیگیان دادە سێدارە یەکیگیان خەڵک سلێمانیە.

خەلیل نادری قسەکەر حزبەگە ئەرا ئاژانس شەفەق نیوز وت: دەسەڵاتەیل ئیران هەڵمەتەیل دەسگیرکردن فراوانیگ لە ناوچە کوردەیل ناو ئیران جیوەجی کردن، ئەوەیش دویای ئاگربەسی لە جەنگی وەرد ئیسرائیلەو.

وتیش: بوختەیل ناڕاس وەو کەسەیلە کەن کە گریانە، جویر سیخوڕی ئەرا مۆساد ئیسرائیلی، وتیش: سەدان لە هاوڵاتیەیل کورد لەی هەڵمەتە گریانە، و سێیان لەی دویاییە دریانە سێدارە، یەکیگیان خەڵک شار سلێمانیە.

نادری داوا لە کۆمەڵگای ناودەوڵەتی و دەوڵەتەیل خاوەن بڕیار و ریخریاگەیل ماف مرۆڤ کرد بکەفنە جویلەی زویوەزوی ئەرا وسانن ئی دەسدرویژیەیلە، و داوای گرنگی گریەداین پرس رەوشەیل ناوخوەیی لەناو ئیران وەگەرد ئەوە کە وەسەر کورد تیەێد لە ناوچەیە کوردەیل وەگەرد مەرجەیل هەر دانوسەنینیگ لە بانان وەرد ئیرانەو.

  هەلیوا، هەفت حزب کوردی ئۆپۆزسیۆن ئیران، بەیاننامەیگ هاوبەش دەرکردن، لەناوی هوشداری دان لە زیایبوین کوشتن و بڕین لەلایەن دەسەڵاتەیل وەبان کوردەیل و ئۆپۆزسیۆن سیاسی لەدویای کۆتایی جەنگ وەرد ئیسرائیل.

 بەیاننامەگە وتیش: زیاتر لە 1000 تا ئیسە دەسگیر کریانە، و دەسەڵاتەی ئیران فەرمانەیل وەسێدارەدان وەبان سێ کووڵبەر کورد وەبی دادکارییگ دادپەروەرانە وەسێدارە دان، لە وەختیگ کەسەیلیگ ترەک لە بزووتنەوەی ژن ژیان ئازادی کەفتنەسە وەر جیوەجی فەرمانەیل وەسێدارەدان.

 ئەو حزبەیلە داوا لە کۆمەڵگای ناودەوڵەتی و نەتەوە یەکگرتگەیل کردن زویوەزوی جویلە بکەن ئەرا نواگیریکردن لە دووارەوبوین کارەسات مرۆیی نوویگ هەکاتی ساڵ 1988 هەناێ دەسەڵاتەیل ئیران هەزاران لە زیندانەیل سیاسی دویای وسیان جەنگ وەرد عراق دانە سێدارە.