شەفەق نیوز/ ئیوارەی رووژ پەنجشەممە، قەڵای هەولێر رووشنەو کریا، لە دیمەنیگ هێمایی کە رەنگدانەوەی گلەوخواردن ژیانە ئەرا یەکیگ لە شوینەوارە میژووییە کویەنەیل، یەیش لە چوارچیوەی پلانیگ توکمە ئەرا خاسەوکردن قەڵاگە.

وەگورەی زانیارییەیل کۆمسیۆن باڵای بوژانەوەی قەڵای هەولێر کە قسە ئەرا ئاژانس شەفەق نیوز کرد؛ گام هاتگ پڕۆژەگە بریتییە لە گلەوداین شمارەیگ خیزان تا لەناو قەڵاگە، بژیەن، وەگورەی ماستەرپلانەگە.

قەڵای هەولێر یەکیگە لە هێما کەلتووریە دیارەیل هەرێم کوردستان، و وە شیوازە تەلارسازییە ناوازەگەی جیاوازە، کە لە ساڵ 2014 چگە ناو لیست میراتی جیهانی یونسکۆ.

بەڵگەنامە میژووییەیل باس ئەوە کەن کە میژوو قەڵاگە ئەرا چەن سەردەمیگ گلەو خوەێد، لەوانەیش دەسەڵات سۆمەری، ئەکەدی، بابلی، ئاشووری، فارسی، یۆنانی، ئیسلامی و عوسمانی.

قەڵاگە سێ سەرەکی گەڕەک و دیوان و تەکیە و ماڵ و مزگەفت و حەمامە تەقلیدیەیل هاناوی، دیوار دەیشت قەڵاگە شیوەی بازنەییە و یەکیگە لە توخمە تەلارسازییە دیارەیلی، وە توکمەیی و دیزاینە ئەندازیارییە ناوازەگەی تایبەتمەنە.

سەرپەرشتیارەیل پڕۆژەگە تەقەلا دەن قەڵاگە بکەنە ناوەندیگ رووشنهویری و گەشتیاری زنی کە ڕەنگدانەوەی قویلایی ناسنامەی میژوویی هەولێر بوود، و سەردانکەرەیلی ناوە و دەیشت عراق ئەرا لای خوەی بکیشێد.