شەفەق نیوز/ ژوور ئۆبراسیۆنەیل دژوە ڤایڕۆس کۆڕۆنا لە پارێزگای هەولێر پایتەخت هەرێم کوردستان، ئمڕوو چوارشەممە، نوقڵانەی سەختەوکردن ریکارەیلە دا، ئەگەر دانیشتوەیل پابەند وە ریکارە مقەیەتیەکان نەوین.

ژوورەگە لە بەیاننامەیگ رەسیە ئاژانس شەفەق نیوز وت: رەوش تەندروسی شارەگە رخبەرە، و زنجیرەی نوو ڤایڕۆس کۆڕۆنا هالە بڵاوبوین و فراوانی، و بویە هەڕەشەیگ لەبان گیان مەردمەگە، و داوا لە دانیشتوەیل کرد پابەند وە رینمایل تەندروسی و ریکارەیل مقەیەتیکردن بوون، وەتایبەت وەکارهاوردم دەمامەک.

ژوور ئۆبراسیۆنەیل فەرمان داگە هێزەیل ئاسایش و تیمەیل قایمقامیەت و شارەوانەیل  تا چەودیری وورد لە شوینە گشتیەیلە و پەرستاگەیل و شوینە پیرووزەیلە و شوینەیل بازرگانی و بازاڕەیل و چێشتخانەیل و بازاڕەیل جەماوەری و نانەواخانەیل و ساڵۆنەیل ئارایشگا و وەرزشی و نووڕینگەیل و چێشتخانەیل باخچەیلە و رانندەیل تەکسی و ماشینەیل بار و تایبەت و پاس بکەن، ک هەرکەس دەمامەک نێنەێد ریکارەیل یاسایی وەرانوەری بووریەێد.

بەیاننامەگە هووشداری خەڵکەگە کرد ئەگەر پابەند وە ریکارە مقەیەتیەکان نەوون، وەتایبەت وەکارهاوردن دەمامەک، ئەوەسا ژوور ئۆبراسیۆنەیل ناچار بووم ریکارەیل سەختیگ جیوەجی بکەێد.