شەفەق نیوز/ لە شار هەولێر پایتەخت هەرێم کوردستان، ئمڕوو جمعە، کارەیل کۆنفرانس زانستی دویەم ئەرا کۆلێژەیل تەندروسی وەڕیەو چگ.
پەیامنێر ئاژانس شەفەق نیوز وت: لەناو کۆنفرانسەگە باس باوەتەیلیگ کریا کە پەیوەندی وە سیستەم خوەنەواری لە کۆلێژەیل تەندروسی دیرن، و میکانزم گەشەپیدانی وەگورەی گەشەکردن تەکنەلۆژیا لە جەهان.
دکتۆر کامەران محمد کە لە کۆنفرانسەگە بەشدارە ئەرا ئاژانس شەفەق نیوز وت: ئی کۆنفرانسە دویەم چاپیە، کە لەناوی باس تۆێژینەوەیل زانستی لە چین پزشکی و لایەن کەسایەتییەیل زانستی لەناوی کریەێد، و خوازێد ئاست زانستی لە کۆلێژەیل پزشکی لە هەرێم کوردستان و گشت عراق خاسەو بکەێد، وەڕی نووڕین وە نووترین تەکنیک.
محمد وتیش؛ کۆنفرانسەگە بڕیگ لە کەسایەتییەیل زانستی لەی چینە لەناوی بەشداری کەن، کە تا رووژ لە شار هەولێر وەردەوامە.