شەفەق نیوز - هەولێر
ئمڕوو پەنجشەممە، لە شار هەولێر چالاكییەیل کۆڕبەن فێربوین کوردستان (KEF 2026) دەسوەپیکرد، وەگەرد وازکردن پەنجەمین پێشانگای زانکۆ و مەکتەوەیل و خوەنەوارەیل (MEETS IRAQ 2026)، وە دروشم "پەروەردەی هاوچەرخ و بەهرەیل و کوالێتی".
چالاكییەگە لە هۆڵ پێشانگا ناودەوڵەتییەیل لە باڵەخانەی پێشانگای ناودەوڵەتی هەولێر وەڕێوەچوود، و تا دویەم رووژ لە مانگ ئاب وەردەوامبوود، رووژانە لە سعات یانزدەی شەوەکی تا هەفت ئیوارە.
وەزیر پەروەردە لە حکومەت هەرێم کوردستان، ئالان حەمە سەعید، لە وەخت وازکردن چالاكییەیلە وت: پێشانگاگە وە بەشداربوين 120 کۆمپانیا، و 30 مەکتەو، و 10 زانکۆ، و 15 پەیمانگە، وەگەرد 60 کۆمپانیای خزمەتگوزاری لە هەرێم کوردستان و پارێزگایەیل تر عراق کریایە، وەگەرد بەشداربوين پەنج وڵات کە بریتین لە چین، و کەنەدا، و شانشین یەکگرتگ (بەریتانیا)، و تورکیا، و فرەنسا.
وتیش؛ کۆڕبەن پەروەردەی کوردستان، کە ئەرا پەنجەمین ساڵ وەوەردەوامی بەسرێد، ئامانجی وەدویاچگن سیاسەتەیل پەروەردەیی و جواوداین پێداویستییەیل کەرتەگە و چارەسەرکردن کەموکوڕییەیلە، وەبان پاڵپشتیکردن تەقەلايل ئەوزەڵداین و سەرکەفتن پرۆسەی پەروەردەیی.