شەفەق نیوز/ سەرۆک حکومەت خۆجێیی لە پارێزگای هەولێر پایتەخت هەرێم کوردستان ئومێد خۆشناو، ئمڕوو شەممە، باس ناڕەزای خوەی لە بەرزەوبوین نرخ سوتەمەنی ماشینەیل لە بانزینخانەیل هەرێم کوردستان کرد.
خۆشناو لە وتاریگ ئەرا رووژنامەنووسەیل لە مەوقەی وازکردن بنکەیگ پزشکی حکومەتی ئەرا راسەوکردن دگان لە هەولێر وت: باوەت بەرزەوبوین نرخ سوتەمەنی ماشینەیل تەنیا لە هەولێر نییە بەڵکم گشت پارێزگایل هەرێم گرێدەو، وتیش؛ پارێزگایل هەرێم داوا لە وەزارت سامانە سرووشتیەیلە کردن چەودیری ئەو رەوشە بکەێد ک مەردمەگە وەپیا رەد بوون.
وتیش: ئیمە پشتگیری ئی گرانیە لە سوتەمەنی نێکەیمن و داوای ئەرزانکردنی لەلایەن هاووڵاتییەیلە لە جی خویە، وباس وەردەوامی لە پەیوەندیکردن وەرد وەزارەت سامانە سرووشتیەیلە وەخاتر چارەکردن ئی باوەتە کرد.
و دیاری کرد ک دوو چین لە بانزینخانەیلە لە هەرێم کوردستان هەس، یەکەمینیان لەلایەن وەزارەت سامانە سرووشتیەیلە سوتەمەنی وەرگرێد، و ئەوەکە لەلی وەرنێگرێد، و ئەوەسا کارەگەی رێک کریەێد.