شەفەق نیوز - هەولێر

لە شار هەولێر پایتەخت هەرێم کوردستان، رووژ چوارشەممە، چالاکییەیل چوارەمین چاپ لە پێشانگای ناودەوڵەتی ئەرا کەلوپەلەیل ناوماڵ و کەرت گەشتیاری دەس وەپی کرد، لە ناو بەشدارییگ فراوان لە کومپانیا ناوخۆیی و ناودەوڵەتییەیل.

 سەرۆک دەسەی بەرهەمهاوردن لە هەرێم کوردستان محەمەد شوکری ئەرا ئاژانس شەفەق نیوز وت، کە "رێکخستن ئی پێشانگا گامیگ بنەڕەتی هەژمار کریەێد لەناو تەقەلاگان ئەرا وەرەونواچگن کەرت بەرهەمهاوردن لە هەرێم"، وە رووشنەوکردن ئەوەگ کە "گەشەکردن کەرتە جیاوازەیل بەرهەمهاوردن خوازیار هاوتەریبییگە لە پاڵپشتیکردن کەرت گەشتیاری و دابینکردن گشت کەلوپەلە هۆتێلی و خزمەتگوزارییەیلی"

شوکری وتیش کە "گردەوبوین کومپانیا تایبەتمەنەیل لە بوارەیل هۆتێلداری و کەلوپەلەیل ناوماڵ و گەشتیاری لە ژیر یەک بان، کەشوهەوایگ گونجیاگ ئەرا پیاوەیل کار و بەرهەمهاوەرە ناوخۆییەیل دابین کەێد، کە دەرفەت وەپییان دەێد ئاگادار بوون لە نووترین بەرهەم و تەکنیکەیل وە شیوەیگ راسەوخۆ بی هەوەجەکردن ئەرا گەشتکردن وەرەو دەیشت ئەرا مینەکردن دابینکەرەیل".

 فتراق دا وە ئەوە کە "پێشانگاگە فرەتر لە 150 کومپانیا لەخوەی گرێد کە نوێنەرەیل نزیکەی 10 دەوڵەت گردەو کەن"، وە دووپاتکردن ئەوەگ کە "ئەو کومپانیایەلە تەنیا وە نیشانداین بەرهەمەیلیان نیەوەسن، بەڵکم ئامادەیی خوەیان نیشان دەن ئەرا داین بریکارایەتی بازرگانی تایبەت ئەرا هاوردەکارەیل و بازرگانەیل لە کوردستان، وە شیوەیگ کە مسۆگەر وەردەوامی رشیان ئی بەرهەمەیلە وەرەو بازاڕە ناوخۆییەیل بکەێد"، و داوا لە وەرپرسەیل لەبان دامەزراوە و کەرتە گەشتیارییەیل کرد سەردان پێشانگاگە بکەن و سوود لە دەرفەتە وەردەسەیل وەرگرن.

 بڕیارە کارەیل پێشانگاگە ئەرا ماوەی چوار رووژ یەک لەدۊای یەک وەردەوام بوود، کە پیشوازی لە سەردانکەرەیل و پسپۆڕەیل وە شیوەی رووژانە کەێد لە سەعات یانزەی شەفەقەو تا هەفت ئیوارە.