شەفەق نیوز/ ئومێد خۆشناو پارێزگار هەوڵیر، ئمڕوو شەممە، داد لە سەختی کۆنتڕۆڵکردن چەک بیمووڵەت کرد وەتایبەت لەسای ئەو جەنگەیلەگ وڵاتەگە وەخوەی دی.     

ئەوەیش لە قسەی ئومێد خۆشناو ئەرا رووژنامەوانەیلە و پەیامنێر ئاژانس شەفەق نيوز لەناویان بۊی وەگەرد چەن کوشتن و خوەیکوشتنیگ لە پارێزگاگە رۊیدا.    

 پارێزگار وت: لە ماوەی گوزەیشتە دەسکردیمنە هەڵمەتیگ ئەرا دەسناین وەبان چەک بیمووڵەت،  ک چەن رووژیگ کیشا، و ئەل ئەنجامەگەی دەسنریا بان بڕێ لەو چەکەیلە، وتیش " ئیسە هایمنە ناوچەیگ ک هەمیشە جەنگ و ململانە وەخوەی دی، ک هیشت وەئاسانی چەک بکەفێدە دەس مەردم.    

وتیش: یاسای چەک، و مووڵەتداینی هالە ناو ئەو راسەوکردنە ک ئەوەسا ریکارەیلی سەختەو کریەێد تا نوای رۊداوەیل نەرێنی بگریەێد ک هەمیشە نیگەران دەسەڵاتەیل کەێد، هەرچەن ریکارەیل یاسایی تونیگ وەرانوەری بریا.