شەفەق نیوز ـ هەولێر

لە شار هەولێر، پایتەخت هەرێم کوردستان، ئمڕوو دووشەممە، دەسکریا وە هەڵمەتیگ هووشیارکردن لە رخداریەل مادەی هوشبەر لەژیر دروشم "وەکارهاوەرەیل مادەی هووشبەر بیماریگ بی تاوانن".

دیندار زێباری رێکخەر راسپاردە ناودەوڵەتیەیل لە کۆنگرەیگ رووژنامەوانی کە ئاژانس شەفەق نیوز ئامادەبوی وت، "هەرێم کوردستان بەشیگە لە رێککەفتن بەڕەنگاربوین مادەی هووشبەر، کە گشت وڵاتەیل ئەوروپی و وڵاتەیەکگرتگەیل و بڕیگ وڵاتەیل عەرەبی گرێدەو".

وتیش "جیوەجیکردن رێکارەیل بەڕەنگاربوین مادەی هووشبەر لە کوردستان رێکارەلیگ فراوان گرێدە خوەی، گشت  لایەنە پەیوەنیدارەیل حکومەت هەریم کوردستان  بەشدارن لەلی، کە 4500 کەس وە توومەت کیشان و بازرگانیکردن وە مادەی هشبەر دەسگیرکریانە".

دیاریکرد "900 بازرگان لە زیندان سزادریانە باوجی گشتیان خەڵک کوردستان نییە، لە ناوڕاس و باشوور عراق و گشت وڵاتەیلن" وتیش " لە ساڵ پارەکە 700 ئالوودەبوی مادەی هووشبەر لە بنکەیل چاکسازی خاسەوبوینە".