لە میانەی کووبوینەوەیگ ئمڕوو سازکریا وە سەرپەرشتی پارێزگار ئومێد خۆشناو و وەئامادەبوین هێمن سێد قادر جیگیر پارێزگار پارێزگاگە باس کریا ئەرا چەودیاری کردن پرۆسەی گردەوکردن سەگەیل وەرەلای ناو شار و دەێشت شار و کەمەوکردنیان و قەیەغەی بڵاوبوینیان وەناو جادەو بازاڕەیل و شوینەیل گشتی و کلکردنیان ئەرا سەنتەرەیل داڵدەداین لە هەولێر.
لە بەیاننامەیگ پارێزگاگە دەریکردیە هاتیە، وەپای ئاماریگ تەندروسی لە هەولێر، شمارەی پەلامارداین و گەزین وە لایەن سەگەیل وەرەلا وە رێژەی 30 ٪ داوەزیایە.
لە بەیاننامەگە دووپاتکرد هەبوین سەگیل وەرەلا لە ناوچەیل نیشتەجیبوین هاوڵاتیەیل هوکارە ئەرا بڵاوبوین بیماریەل، و دیمەنیگ ناشارستانیە و هەمیش بوودە هووکار مەترسی لەبان زندگی هاوڵاتیەیل وە تایبەت مناڵەیل.
لە بەیاننامەگە هاتیە، ئیرنگە دەسکریاس وە هەڵمەت گردەوکردن سەگەیل بیخاوەن لە ناو پارێزگای هەولێر و تا ئیسە 1000 سەگ بیخاوەن گردەو کریایە و ئەرا سەنتەر داڵدەدان لە هەولێر بریانە.