شەفەق نیوز- هەولێر

حکومەت هەرێم کوردستان، رووژ سێشەممە، خەوەردا لە تەواوکردن زیاتر لە 480 پرۆژە لە کەرتە جیاجیاگەیل، لە وەختیگ ئاشکرا لە بۊین 380 پرۆژەی تر کرد کە لە ژیر جیوەجیکردنن، لەناو پلانەگەی ئەرا دابینکردن هەوەجەیل هاووڵاتییەیل و قایمکردن ژيرخان.

و وەزیر ئاوەدانکردن و نیشتەجيکردن لە حکومەت هەرێم کورستان، دانا عەبدولکەریم، ئەرا ئاژانس شەفەق نیوز وت، کە "حکومەت هەرێم کوردستان ماوەی گوزەشتە زیاتر لە 480 پرۆژەی جیاجیا لەڕی قۆناغەیل جیاوازەو تەواو کردگە"، دیاری کرد کە "380 پرۆژەی تر لەی وەخت ئیرەنگە لە ژیر جیوەجیکردنن، بیجگە لە بڕ نوویگ لە پرۆژەیل کە حکومەتەگە نیاز دیرێد دۊاتر دەس وەپییان بکەێد".

 عەبدولکەریم دیاری کرد کە وەزارەتەگە کار کەێد وەپای "پلانیگ دە ساڵەی ستراتیژی" کە جیوەجیکردن بڕیگ فراوان لە پرۆژەیل ئایەندە لەخوەی گرێد، وە تایبەت لە کەرتەیل ریوبانەیل و ژیرخان و نیشتەجیکردن.

 دووپات کرد لەبان بۊین "هەماهەنگییگ تەواو لەناوەین گشت تیمەیل و لایەنە حکومەتییەیل لە هەرێم" ئەرا وەڵامداین وە داواکارییەیل هاووڵاتییەیل و هەوەجەیلیان و جیوەجیکردن ئەو پرۆژەیلە کە تەرخان کریانە ئەرا دابینکردن هەوەجەیلیان.