شەفەق نیوز/ شار هەولێر پایتەخت هەرێم کوردستان، ئمڕوو شەممە، شمارەی ئەو گەشتیارەیلە راگەیان کە ئەرا ئاهەنگ سەرساڵ ٢٠٢٥ هاتنەسە ناو پارێزگاگە، وەگەرد ئامار قوربانیەیل و رویداوەیل.

وەگورەی بەیاننامەی پارێزگاگە کە رەسیە ئاژانس شەفەق نیوز؛ پارێزگای هەولێر هاتن ٦٣ هەزار گەشتیار لە سەرساڵ ئەرا ناو پارێزگای هەولێر توومار کرد.

بەیاننامەگە وتیش: ٢٦ رویداو هاتوچو توومار کریا، بوینە هوکار کوشیان یەک کەس و زەخمداری ١٤ کەس ترەک.

لە خود شەو، ١٣٥ تاوان جیاجیا توومار کریا، و ١٢ ئاگر، و ١٦ هەزار سەردان خەسەخانەیل، وەگورەی بەیاننامەگە

.

شار هەولێر پایتەخت هەرێم کوردستان، وەناوهاتن هەزاران لە گەشتیارەیل ناوخوەیی و بیگانە لە ئاهەنگ سەرساڵ وەخوەی دی، کە جادەیل و مەیدانەیل گشتی پڕەو بوین لە کەشوهەوای ئاهەنگ کە تا وەخت دیریگ لە شەو وەردەوام بوی.

لەو ئاهەنگەیلە نمایشکردن رەنگینیگ لە ئاگربازی لە مەیدان قەڵای میژووی هەولێر بوی، کە هەزاران سەردانکەرەیل کیشا ئەرا خوەشیکردن وە رووشنایی و کەشوهەوای ئاهەنگ، وەگەرد پیشکەشکردن کارەیل مۆسیقا و گورانی وەگەرد رێکخستن ئەمنی خەسیگ ئەرا مسۆگەرکردن بیوەیی ئامادەبویەیل.