شەفەق نیوز ـ هەولێر
دانشتگەیل ناوخوەی، ئمڕوو شەممە، خەوەردان لە هیزگردن ئاگر لە بەشیگ کویەی سەفین لە باکوور خوەرهەڵات پارێزگای هەولێر، دووپاتکردن ئاگرەگە تا ئیسە نییە چیر کۆنترۆل وە مدوو وا تونیگ و سروشت ناوچەگە کە گیچەڵ ئەرا رەسین تیمەگەی ئاگرکپەوکردن دروسکردیە.
شمارەیگ لە دانشتگەیل ئاوی زیارات کە کەفێدە لاپاڵ کویەگە وە ئاژانس شەفەق نیوز وتن، مدوو ئاگرەگە نادیارە، تا ئیسە ئاگرەگە بڵاوەوبوود وە مدوو وای تونیگ کە ل ناوچەگە هەڵکردیە.
وتیش، سەختی ناوچەگە و نەوین ریگی کە ریگە بدەێد وە رەسین پایەیل ئاگرکپەوکەر تا بڕەسن وە شوین ئاگرەگە هیشتسە کۆنترۆل وکپەو نەکردیەێد.
کویەی سەفین کەفێدە دووڵ سماقوڵی باکوور خوەرهەڵات هەولێر پایتەخت هەرێم کوردستان، رویەیگی کەفێدە بان دووڵ و ئەو رویەگەی ترەک کەفێدە لای ناوچەی شەقلاوە، وە یەکیگ لە بەرزترین کویەیل کوردستان دانریەێد.