شەفەق نیوز/ تیمەیل وەرگیری شارستانی هەولێر، ئمڕوو پەنجشەممە، تەقەلایەیلیان وەرداوامە پەرا کپەوکردن ئەو ئاگر گەپە لەناو پاڵاوگەی نەفتی لەبان ری شارۆچگەی گوێر هیزگردیە.
پەیامنێر ئاژانس شەفەق نیوز راگەیان، ئاگرەگە ئەمارەیل سزەمەنی و پاڵاوگەی نەفت سیا لەناوبردیە و لەدویای رەدبوین 15 ساعەت لە هیزگردن ئاگرەگە، تا ئیسە تەقەلاگان وەردەوامە.
وتیش، زیاتر لە 10 پیاو ئاگرپەوکردن تویش زەخمداری هاتنە، و زەرەد وە سێ ماشین کپەوکردن رەسیە لەماوەی تەقەلایەیل کپەوکردن ئاگرەگە، کە بویەسە هووکار ویرانکردن رووبەر فراوانیگ لە پاڵاوگەگە.
پەیامنێرمان دووپاتکرد، پیاوەیل کپەوکردن وەردەوامن تەقەلاگانیان لەناوچەگە وەگەرد وەرداوامبوین ئاگرەگە و فراوانبوینی لە سنوور ئەممارەگە، ئاشکەرایکرد تا ئیسە هووکارەگەی دیارنییە.