شەفەق نیوز/ وەڕیەوبەرایەتی تەندروسی گشتی لە پارێزگای هەولێر، ئمڕوو چوارشەممە، راگەیان زیاتر لە 100 تویشهاتن وە بیماری کولێرا توومار کریایە. 

بژار موسا قسەکەر وەڕیەوبەرایەتیەگە ئمڕوو لە کۆنگرەیک رووژنامەوانی ک ئاژانس شەفەق نیوز ئامادەبوی وت: " هەولێر نزیکەی 105 تویشهاتن وەی بیماریە توومارکردیە، ک خوەش بەختانە سەرجەمیان لە دویای چارەسەر وەرگردن خاسەوبوینە".  

دووپاتکرد ئی پەتا مقەیەتیکردن خوازێد بایەتە ئەو ئاوە ک ئەرا نووشین و ئاشکردن وەکارتێد پاک بوود و پیس نەود، بایەت سەرچەوەیل ئاو خوەراکەیل ناسریاگ بوود، دیاریکرد سنووردارکردن کاڵین سەوزەی لە ئاو پیس لە پارێزگاگە کرد.   

دووپاتکرد، لە پاککردن و تەعقیمکردن سەوزەیل ک لە خوەراک وەکارتێریەن،  وتیع بایەتە ئەو کەسەیلە نیشانەی پەتاگە لەلیان دەرکەفێد سەردان بنکەیل تەندروسی بکەن ئەرا ریگری کردن لە خەراوتربوین بارودۆخی ک پەک  یەکیگ لە ریخەلویەیل خەێد. 

لەباوەت پلان جەژن وت: " تەندروسی هەولێر رێکارەیل  تەندروسی فرەیگ گردیەسەوەر لەماوەی رووژەیل جەژن"، دیاریکرد " شمارەیگ لیژنەی تەندروسی گشتی لەماوەی رووژەیل جەژن ئامادە کریانە". 

دووپاتکرد لە رێنماییەیل تەندروسی ئەرا مقەیەتیبوین لە بیماری تەو خوین وربوین و زگچین و ئەڵاوردن و وەگەرد رێنماییەیل ڤایرۆس کۆرۆنا وەتایبەت بەرزەوبوین شمارەی تویشهاتنەیل رووژانە وە شیوەی وەرچەویگ. 

داوا لە هاوڵاتیەیل هەولێر کرد،" لە کوشتارگەیل قوربانیەیلیان سەر بوڕن دویرەو بکەفن لە سەربڕینیان لەو شوینەیلە ک ئامادەکاری تەندروستی ئەرا بیماریەیل نەکریایە.