شەفەق نیوز/ "شەقایق باپیری" دۆت کوردستانی ک ئەندام تیم هەندباڵ ئێران بی پەلەمار کشوەر ئسپانیا هاورد.
ئەوی ک وەرد تیم هەندباڵ وە ئسپانیا چگبی لە ئوردیگاگە دا وە دەر و دۆماێ دو رووژ ک خەێوەو بی ئمڕوو دە ویدئۆوێگ وتگە ک پەنا وە ئسپانیا هاوردگە.
شەقایق دە ئی ویدئۆوە وتگە: م هیچ وەختێگ سیاسیکار نەبیمە و پەناهەندەێ سیاسی نەبیمە و هە وە خاتر یە ک بتوانم وە ئاسانی دە وەرزێشتەگەم پێشکەفتەو ببم پەناهەندە بیمە و دە ئی وەختەێلە دەوڵەت ئێرانیش وە سەروەخت بنەماڵەگەم نەچگە و ئازارێ نەدینە.