لە دیدارەگە باس شیوەیل قایمکردن پەیوەندیەیل عراق و هەرێم کوردستان وەگەرد هۆڵەندا کریا، و دویاترین نووەوبویەیل و رەوشەیل ناوخوەیی هەرێم کوردستان و عراق و ناوچەگە وەشیوەی گشتی کریا، و هەمیش رەوش ئاوارەیل لەناو کامپەیل هەرێم کوردستان.
سەرۆک بارزانی پیرووزبایی وەبوونەی وەرگردن ئەرکەیل پۆستەگەی کرد و ئومید سەرکەفتن ئەرای خوازێد و پاڵپشتیکردن هەرێم کوردستان ئەرا سەرکەفتن ئەرک و چالاکیەیلی نشان دا، و دەسخوەشی لە دەسمیەتیەیل هۆڵەندا ئەرا عراق و هەرێم کوردستان وەشیوەی تایبەت کرد لە چین هەمەڕەنگکردن داهاتەیل ئابووری و گەشەپیدان کەرت کشتوکاڵی.
لەلای خوەییش، باڵیۆز هۆڵەندا دووپات کرد ک حکومەت وڵاتەگەی پابەندە وە ئاسایش و ئارامی عراق و هەرێم کوردستان جویر هەرێمیگ گرنگ و فیدڕاڵی، و دووارە دووپات لە وەردەوامی دەسمیەتەیلی ئەرا ئارامی عراق و هەرێم کوردستان کرد، و وە بەرزی نرخدار دەسمیەتیەیل هەرێم کوردستان ئەرا ئاوارەیل و پەنابەرەیل کرد.
رەوشەیل ماف مرۆڤ، و کار ریخریاگەیل نا حکومەتی لە عراق و هەرێم کوردستان، و بڕیگ باوەت خاوەن گرنگی لەلای هەردوگ لایەنەگە باسەیل ناو ئەو دیدارە بوین ک قونسوڵ گشتی هۆڵەندا لە هەرێم کوردستان ئامادەی بوی.