شەفەق نیوز/ وەڕێوەبەرایەتی گشتی کەشناسی و زەویلەرزەناسی هەرێم کوردستان، ئمڕوو شەممە، کەشوهەوای ناوچەیل هەرێم دیاریکرد.

وەڕێوەبەرایەتیەگە لە بەیاننامەیگ رەسیە ئاژانس شەفەق نیوز وت، "ئمڕوو ئاسمان ئەور تەواو بوود لە فرەیگ لە وەختەیل نمە وارانە گاجاریگ مامناوەن بوود هەمیش هاتێ وەفر کەمیگ لە ناوچەکویەیلەی سنووری بوارێد".

ئاشکەرایکرد، "سوو ئاسمان وە تەواوی ئەورە وەرد واران پچڕ پچڕ، لە وەخت ئیوارە رێژەی وارینەگە زیاترە لە ناوچەی گەرمیان و هەڵەبجە و باشوور پارێزگای سلێمانی، و پلەی گەرمی نزیکە لە توومارەیل دویکە".