شەفەق نیوز/ وەڕیوبەرایەتی تەندروسی لە پارێزگای هەولێر پایتەخت هەرێم کوردستان، ئمڕوو یەکشەممە، دەسکردە هەڵمەتیگ نیشتمانی ئەرا نواگردن ڤایڕۆس کۆڕۆنا لە شارۆچکە وقەزاگان لە گشت پارێزگاگە.

دلۆڤان محمد وەڕێوبەر گشتی تەندروسی هەولێر لە کۆنگرەیگ رۆژنامەوانی ئمڕوو وت: وەئامانج مقەیەتی لە تووشهاتن وە ڤایڕۆسەگە، هەڵمەتیگ نیشتمانی دەسکردەپی ئەرا نواگردن پەتاگە، ک پەنج رووژ وەپی چوود وە بەشداری ٣٥ تیم، ودیاریکرد ک ١٠ لەو تیمەیلە هووشیاری لە شار هەولێر ودەروازەگانی بڵاوکەن، و ئەو تیمەگان لەو ناحیە وقەزاگان.

وتیش؛ ئەرا رێکخستن هەڵمەتەگە، رێکخراو تەندروسی جهانی و رێکخراوەیلیگ مەدەنی کەفنە یاوەری ئەو تیمەیلە.