شەفەق نیوز/ ئمڕوو شەممە، هیزەیل سوریای دیموکرات، دەسکرد وە هەڵمەتیگ ئەمنی لە کەمپ “ڕۆژ” لە  حەسەکە لە باکوور  خوەرهەڵات سوریا  و مینەکردن چەک و ئەندامەیل شانەی داعش لەناو کەمپەگە.

سەرچەوەیگ لە هیزەیل  ئاسایش ناوخۆ ئەرا ئاژانس شەفەق نیوز وت: هەڵمەتە ئەمنیەگە  دویای هات که زانیاری له بان شانەیل داعش رەسیە که کار کەن ئەرا دووارە رێکخستن ئەندامەیلیان و رزەیل خوەیان،و سوود له لە رەوشەیل ئەمنی و پیشهاتەیل ئەمنی لەی دویاییە لە سوریا وەرگرن.

سەرچەوەگە ئاشکرا کرد کە"زانیاریەیل دەسنشان  جموجویل شانەیل داعش کەن ئەرا وەئامانجگردن ئەو کەمپەیلە کە خیزان ئەندامەیل داعش هانە ناویان، جویر کەمپ ڕۆژ و کەمپ هۆل لە حەسەکە".

هیزەیل ئاسایش ناوخۆ (ژنان) وە پاڵپشتی یەکینەیل پاراستن ژنان (یەپەژە)، ئمڕوو شەممە، دەسکردن وە هەڵمەتیگ ئەمنی دژوە شانەیل داعش راگەیان، “ەە ئامانج وەشکین کەمپ ڕۆژ و وەشوینکەفتن شانە خەفتگەیل و هاوکارەیلیان”.

هیزەیل ئاسایش ناوخۆ لە بەیاننامەیگ لەناو کۆنگرەیگ رووژنامەوانی وت: “شانەیل داعش ژن و مناڵەیل وە خوین سەرد کوشتنە، و دەسدوریژی وەبان شمارەیگ ژن و مناڵ کردنە، یەیش بیجگە لەوە هەڕەشە لەو کەسەیلە کردنە کە تەقەلای ڕزگاربوین داشتنە لەو ئایدۆلۆژیای تونڕەوە دەن کە ئەو ریخریاگ تیرۆریستییە لە مەغزیان چنیە”.

لە بەیاننامەگە ئاشکرا کرد کە "ئەو جموجویلە لە چوارچیوەی تەقەلایل وەردەوام داعش ئەرا گلەوداین شانە خەفتگەیلی لە ناوە و دەیشت کەمپەگە تیەێد، وە لەوەرچەوگردن ئەو گرنگی ستراتیژییە کە کەمپ ڕۆژ ئەرایان هەس".

هیزەیل ئاسایش ناوخۆ وتیش: هیزەیلیان "چەن ئۆپەراسیۆنیگ وەرجەوەختە ئەنجامدانە کە شمارەیگ پلان تیرۆریستی پویچەڵکردنە، و زیانیگ گەورە وەسەر شانەیل داعش رەساننە لە تەقەلایلیان ئەرا شیواشیو و ناسەقامگیرکردن ئاسایش".

دووپاتیش کرد کە "ئی هەڵمەتە جویر درویژەداین وە خەبات وەردەواممان لەدژ گشت تەقلا تیرۆریستییەیل داعش تیەێد، و وەرجەسەکردن ئیرادەی یەکلاەەکەرمانە ئەرا هشککردن سەرچەوەیل تیرۆر و دەسەوەرکردن ئاسایش و سەقامگیری ئەرا گشت پیکاتەیل کۆمەڵگاگەمان".