شەفەق نیوز/ قسەکەر وەناو بازاڕ دۆلار سلێمانی، ئمڕوو یەکشەممە، هاوردن هیزیگ کۆماندۆ ئەرا پاسەوانی ئاسایش بازاڕەگە راگەیان، دویای کیشانەوەی هیزەیل ئاسایش لە بازاڕەگە وەخاتر راهینان.
جەبار گوران قسەکەر وەناو بازاڕ دۆلار سلێمانی ئەرا ئاژانس شەفەق نیوز وت: هەرچوار بازاڕەیل دۆلار لەژیر پاسەوانی هیزەیل ئاسایش سلێمانی بوین، باوجی وەخاتر راهینان کیشانەو.
وتیش: وەی دویاییە سەردان قوباد تاڵەبانی جیگر سەرۆک وەزیرەیل کردن، ولەلی داوا کردن سەرپەرشتی لەبان بازاڕەیل دراو لە سلێمانی بکەێد، وپەیمان بڵاوکردن هیزەیلیگ ئەمنی لەناو بازاڕەگە دا.
وتیش: بازاڕ دۆلار سلێمانی چوار بازاڕە ئاسایش تایبەت خوەیان دیرن، وەلێ خوازیمن هیزەیل کۆماندۆ باریمن، ئەراوە ئی داوا لە قوباد تاڵەبانی کردیمن.
هاتن هیزەیل کۆماندۆ ئەرا ناوڕاس سلێمانی دویای هوشداریکردن لەیلا عەلی خانمە سەرۆک شارەوانی سلێمانی هات لە داگیرکردن زەویەیل لەلایەن مافیایلیگ.