شەفەق نیوز- کەرکوک
سەرچەوەیگ پزیشکی، ئمڕوو شەممە، خەوەردا لە زەخمداربۊن سێ کەس لە ئەنجام هیزگردن ئاگریگ لەناو یەکیگ لە نانەواخانەیل لە گەڕەک عەسکەری لە شار کەرکوک.
سەرچەوەگە ئەرا ئاژانس شەفەق نیوز وت، کە تیمەیل فریاگوزاری زەخمدارەیل ئەرا بەش سزیانەیل لە خەسەخانەی ئازادی بردنە ئەرا وەرگردن چارەسەری.
هەمیش وت کە کادرەیل پزیشکی دەس کردنە هەڵسەنگاندن رەوش زەخمدارەیل و پیشکەشکردن چەودیاری هەوەجەدار ئەرایان، لە وەختیگ رەوش تەندروسییان ها ژیر وەدۊاچگن.
وتیش کە تیمەیل وەرگری شارستانی ئامادەی شوین رۊداوەگە بۊن و تۊنستن ئاگرەگە کپەو بکەن و ریگری لە تەشەنەکردنی وەرەو دوکان و باڵەخانە دەورگردەیلس بکەن، لە وەختیگ لایەنە پەیوەندیدارەیل لێکۆڵینەوەیگ واز کردن ئەرا زانستن مدووەیل ئاگرەگە و هۊردەکارییەیلی.