شەفەق نیوز ـ دهۆک
شڤان عیسا، لە راگەیانن فەرمانگەی کووچ و کووچبەرەیل لە پارێزگای دهۆک، ئمڕوو یەکشەممە، خەوەر دا لە هیزگردن ئاگر گەورەیگ لە ناو کەمپ شاریا ئەرا ئاوارەییل لە باشوور پارێزگاگە.
عیسا ئەرا ئاژانس شەفەق نیوز وت: ئاگرەگە 10 چادر لە ناو کەمپەگە سزانیە، بی ئەوەگ هویچ زەخمداریگ لە ناوەین ئاوارەیل توومار بکرێد، دیاریکرد ئاگرەگە بویە مدوو زەرەد مادی گەورە رەسانن و تێکچگن کەلوپەلەیل ناو چادرەیل زەرەرمەن.
وتیش، تیمەیل وەرگری شارستانی زوی لە دویای هیزگردن ئاگرەگە رەسینە شوین رویداوەگە، و توەنستن کۆنترۆڵ ئاگرەگە بکەن و کپەوبکەن و نواگیری لە چگنی ئەرا چادرەیل و ناوچەیل دەوروگەرد بکرێد.
ئاشکراکرد، دەسەڵاتدارەیل ئەمنی لێکۆڵینەوە لە لە هووکار هیزگردن ئاگر چۆنیەتیەگەی وازکردیە، تا ئیسە مدوو هیزگردنی نەزانریاگە.