شەفەق نیوز/ ئاگر لەناو دارسانەیل ئاواییگ لە قەزای عمادیە باکوور دهۆک، ئمڕوو شەممە، هیز گرد، ئەوەیش لە ئەنجام گورزیگ ئاسمانی و تووپواران وەبان حەشارگەیل پەکەکە.
سەرچەوەیگ ئاگادار ئەرا ئاژانس شەفەق نیوز دیاری کرد ک تووپ تورکیا، نیمەڕو ئمڕوو، حەشارگەیل پەکەکە لە دووڵ ویوین لە زنجیرەی کویەیل مەتین لەبان ئاوایەیل بکافە وکوهەرزە لە ناحیەی دیرلوک لە قەزای عمادیە کردە ئامانج.
سەرچەوەگە وتیش: ئەو پەلامارە ئاگر لەناو دارسانەیل دوو ئاوایەگە کردەو، وەبی ئەوەگ خەڵکەگە بتوەنن بڕەسنە شوین ئاگرەیل تا کپیان بکەن، چوینکە رەوش ئەمنی کەو ناوچەیلە سەختە.