شەفەق نیوز/ سەرچەوەیگ ناوخوەیی لە پارێزگای کەرکوک، ئمڕوو پەنجشەممە، خەوەردا لە هیزگردن ئاگر لە دەوروگەرد کۆمپانیای گاز باکوور لە باشوور خوەرئاوای پارێزگاگە.
سەرچەوەگە وە ئاژانس شەفەق نیوز خەوەردا، "ئاگر لە دەوروگەرد کۆمپانیای گاز باکوور هیزگردیە کە یەکیگە لە کۆمپانیا گەپیلە وەرهەمهاوردن گاز حکومی"وتیش "بلوزەی ئاگر لەناوچەی دەوروگەرد کۆمپانیاگە بەرزەوبویە".
سەرچەوەگە وتیش، "وەرگیری شارستانی کارکەن ئەرا کۆنترۆلکردن ئاگرەگە کە رووبەر لە گژووگیا گردیەسەو".