شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، وەگەرد کارڵ کوتانیک قونسڵ گشتی کۆمار چیک لە هەرێم کوردستان گردەو بۊ.
لەو چەوپیکەفتنە، سەرۆک هەرێم کوردستان پیرووزبایی لە دەسکردن "کورتانیک" وە کارەگەی کرد و ئومید سەرکەفتن ئەرای خوازێد، و باس لە پشتگیریکردنی ئەرا سەرکەفتنی لە ئەرکەیلی کرد، و هەمیش دووارە ئارەزوو هەرێم کوردستان لە گەشەپیدان پەیوەندیەیل دەیشتەکی وەگەرد کۆمار چیک نووەو کرد، و باس سپاس خوەی ئەرا پشتگیریکردن و یارمەتیەیلی ئەرا هەرێم کوردستان لەماوەی جەنگ دژوە داعش لەناو هاوپەیمان ناودەڵەتی کرد.
لەلای خوەییش، قونسڵ چیک دووپات کرد ک وڵاتەگەی وە گرنگی نووڕێدە پەیوەندیەیل وەرگرد هەرێم کوردستان، و خوەی گشت تەقەلایلی ئەرا گەشەپیدان پەیوەندیەیل و فراوانکردن هاوکاری لە گشت چینەیل دەێد.
پەیوەندیەیل ناوبەین هەولێر و بەغداد، پیکەوژیان و دڵپاکی لە هەرێم کوردستان، و دەرفەتەیل کار و بەرهەمهاوردن چیک لە هەرێم کوردستان، و دۊاترین نووەوبۊەیل سیاسی لە عراق، باوەتەیلیگتر بۊن لە چەوپیکەفتنەگە.