شەفەق نیوز/ پارێزگای هەولێر، ئمڕوو چوارشەممە، واژووکردن رێککەفتن ناوەین پارێزگایەیل هەرێم کوردستان و پارێزگایەیل سنووری ئیران راگەیان، وە ئامانج پتەوکردن پەیوەنی ئابووری و بازرگانیەیل ناوەینیان، یەیش لەوەخت دویەم رووژ لە سێیەمین کووبوونەوەیل هاوبەش.
لە بەیاننامەیگ رەسیەس ئاژانس شەفەق نیوز هاتیە، " کووبوونەوەگەی ئمڕوو چوارشەممە، وە بەشداری شاندیگ هەرێم کوردستان وە بە سەرۆکایەتی ئومێد خۆشناو پارێزگار هەولێر، و پارێزگارەیل دهۆک و سلێمانی و هەڵەبجە گردوێدە خوەی، بیجگە لە شاندیگ ئیرانی وە سەرۆکایەتیی پارێزگار کوردستان ئیران، ئاراش زاری تانلی"، و وە بەشداری پارێزگارەیل کرماشان و ئازەربایجان خوەرئاوا."
وەپای بەیاننامەگە، کونسوڵ گشتی ئیران لە هەولێر و وەرپرس پەیوەندییەیل ناوەین کوردستان و ئیران، وەرد وەرپرسەیل ژوور بازرگانییەیل و نوێنەراەیل وەزارەتەیل ناوخوەی و کاروبار دەێشت ئیران و شمارەیگ وەرپرس ئیرانی ئامادەی کووبوونەوەگە بوین.
لە بەیاننامەگە دیاریکرد "لە کووبونەوەگە دووپاتکریا لەبان گرنگی ئەوزەڵداین ناوەین هەردووگ لا، هەمیش رێکەفتنیگ واژووکردن لەناوەین هەفت پارێزگا ئەرا ئاسانکاریکردن ئاڵشتکردن بازرگانی لەدەروازە سنووریەیل و چارەسەرکردن هەر ئاستەنگیگ کە هاتێ لە بانان روی بەێد".
لە کۆنگرەیەک رووژنامەوانی هاوبەش، شاندەیل کووبوونەوەگەیان وە گامیگ گرنگ زانستن ئەرا تونکرد پەیوەنیەیل هەمەلایەنە، وە تایوەت لە مژارەیل ئابووری و بازرگانی.
لای خوەیەو ئومێد خۆشناو پارێزگار هەولێر دووپاتکرد کە "گفتوگۆیل بەرهەمدار بوین و دەرئەنجام ئەرێنی لەلیان کەفت"، دووپاتکرد لە "پابەندبوین حکومەت هەرێم وە فراوانکردن هاریکاری وەرد پارێزگایل ئیران".
ئاراش زاری تانلی دەسخوەشی و وەپیزانست خوەی ئەرا پارێزگارەیل هەرێم کوردستان نیشاندا، وە لەوەرچەوگردن ئەوە "کووبوینەوەگە ری خوەشکەێد ئەرا سەرەتای نوویگ لەیەکەونزیکبوین و هاوکاری ناوەین شارە سنووریەیل هەردووگ لا".