شەفەق نیوز ـ هەولێر

وەڕێوەبەرایەتی کەش و هەوا و چەودێری زەویلەرزە لە هەرێم کوردستان، ئمڕوو یەکشەممە، مەزەنەکرد لە سوو دووشەممە پلەی گەرمی وە شێوەیگ دیار کەمەوبوود و ئەگەر واران وارین جیاواز هەس.

وەڕێوەبەرایەتیەگە لە بەیاننامەیگ رەسیە ئاژانس شەفەق نیوز وت: چالاکی وا ئمڕوو لە سنوور پارێزگاەیل سلێمانی و هەڵەبجە و ئیدارەی گەرمیان زیای بوود، و  ئاراستەی وا باکوور خوەرهەڵاتە، وە تونی ناوڕاس لە ناوەین 15 تا 20 کیلۆمەتر لە ەعاتیگ بوود، و گا جاریگ زیاتر لە 25 کیلۆمەتر لە سەعاتیگ بوود، لەوەختیگ مەودای نوڕین لەناوەین 8 تا 9 کیلۆمەتر بوود، و پلەی گەرمی ئمڕوو وە  1 تا 2 پلەی سەدی بەراورد وەگەرد دویەکە داوەزێد.

وەپای بەیاننامەگە، بەرزترین پلەی گەرمی چەوەڕێکریاگ ئەرا  ئمڕوو یەکشەممە وەیجویرەس: هەولێر 40، پێرەمام 37، سلێمانی 39، هەڵەبجە 42، چەمچەمال 41، دهۆک 39، زاخۆ 39، ئاکرێ 41، گەرمیان 44، و حاجی ئۆمەران 28 پلەی سەدی.

لەباوەت  کەش سوو دووشەممە، راگەیان  «کەشەگە پاکە وەگەرد پارچە ئەور  بوود، و داوەزیان  پلەی گەرمی وە بڕ 3 تا 5 پلەی سەدی، وە مدوو کاریگەری بڕیگ هەوای ناوڕاس، و دیاریکرد، تونی وا ناوڕاس بوود  لە ناوەین 10 تا 20 کیلۆمەتر لە ساعەتیگ، و مەودای نوڕین لە ناوەین 9 تا 10 کیلۆمەتر بوود.

بەرزترین پلەی گەرمی چەوەڕێکریاگ ئەرا سوو دووشەممە وەیجویرەس: هەولێر 37، پێرەمام 35، سلێمانی 36، هەڵەبجە 38، چەمچەمال 38، دهۆک 36، زاخۆ 37، ئاکرێ 39، گەرمیان 42، و حاجی ئۆمەران 26 پلەی سەدی.