شەفەق نیوز/ دەسەی گەشتوگوزار هەرێم کوردستان، ئمڕوو پەنجشەممە، راگەیان لەماوەی هچان سەر ساڵ پیشوازی زیاتر لە 200 گەشتیار کەێد ، وە لەوەرچەوگردن خاستربوین ژێرخان گەشتوگوزار و زیایبوین گرنگیداین وە شوینەیل گەشتیاری هەرێم.

قسەکەر فەرمی دەسەی گەشتوگوزار، ئیبراهیم عەبدولمەجید وە ئاژانس شەفەق نیوز وت: " مەزەنەکەیمن پیشوازی زیاتر لە 200 هەزار گەشتیار بکەێمن کە لە پارێزگا جیاوازەیل عراقەو وەبوونەی هچان سەراڵ تێن، هەمیش مەزەنەیل دیاریکەن شمارەی ئەو گەشتیارەیلە لەماوەی ئمساڵ سەردان هەرێم کوردستان کردنە زیاترە لە هەشت ملیۆن".

دیاریکرد، "ساسەتەیل دەسەگە هیشتیە شمارەی گەشتیارە ناودەوڵەتیەیل  رێژەی  25% رەدبکەێد بەراورد وە ساڵەیل وەرین".

 دووپاتکرد، "دەسەی گەشتوگوزار تەقەلای خەسەوکردیە لە ماوەی ئمساڵ ئەرا بەرزەوکردن هەرێم لەبان ئاست ناوخوەی و ناودەوڵەتی، کە بەشداری لە شمارەیگ پێشانگا و کۆنفرانسەیل ناودەوڵەتی کردیە ئەرا ئاشنابوین وە پێکهاتەیل گەشتوگوزارلە هەرێم، وەگەرد رێکخستن چەندین چالاکی وە ئامانج کیشانن گەشتیار زیاتریگ".