شەفەق نيوز/ کاروان ستونی قسەکەر دەزگای حەج و عومرە لە هەرێم کوردستان، ئمڕوو جمعە، وسانن گلەوخواردن حاجیەیل لە سعودیەو راگەیان، لەوەر پەلامارەیل ناوەین ئیسرائیل و ئیران.
ستونی ئەرا ئاژانس شەفەق نیوز وت: جەنگ ناوەین ئیران و ئیسرائیل بویە مدوو وسانن گلەوخواردن حاجیەیل هەرێم کوردستان، و ئی رەوشەیلە گیچەڵ ئەرا گلەوداین حاجیەیل دروس کرد.
وتیش: ئەگەر وەیجویرە وەردەوام بوی، ناچار بویمن وەڕی هشکاییەو ئەرا هەرێم کوردستان گلیانەو بەیمن.
جی باسە کە ئیسرائیل، شەفەق ئمڕوو جمعە، پەلامارەیلیگ ئاسمانی وەبان ئیران جیوەجی کرد، وەپییان شوین و کەسایەتیەیلیگ ئیرانی کردە ئامانج، بوینە مدوو کوشیان سەرکردەیل سەربازی و زانایەیل ئەتۆمی لە چەن شاریگ لەناویان تەهران پایتەخت.
وەرانوەر ئەوە، ئیران وە کلکردن فڕۆکەیل بێفڕۆکەوان وەرەو ئیسرائیل وەڵام ئی پەلامارە دا.