شەفەق نیوز - بەغداد
ئەندام ئەنجومەن نوێنەرەیل لە بەرەی پارتی دیموکراتی کوردستان، ئیخڵاس دلێمی، ئمڕوو یەکشەممە، ئاشکرا کرد لە هەبوین سێ جویر لە دەروازەیل سنووری لە هەرێم کوردستان، و دووپات کرد دۆسیەی ئی دەروازەیلە لە وەخت دانوسان و دانیشتنەیل ناوەین نوێنەرەیل حکومەت هەرێم و حکومەت فیدراڵی وەردەس خریەێد.
دلێمی ئەرا ئاژانس شەفەق نیوز وتی: "جویر یەکەم بریتییە لە دەروازەیل توومارکریاگ وە شیوەیگ فەرمی و داننریاگ وەپی وەلایەن حکومەت فیدراڵی، کە شمارەیان چوار دەروازەس، و داهاتەیل دارایی چوود ئەرا حکومەت فیدراڵی".
وتیش "چوار دەروازەی تر هەس کە وەلایەن هەرێم کوردستان توومار کریانە،باوجی وەلایەن حکومەت فیدراڵی توومار نەکریانە، و داوایگ پێشکەش کریاس ئەرا پشت بەسان و توومارکردنیان وە شێوەیگ فەرمی".
ئاشکرایکرد، لیژنەیگ لە حکومەت فیدراڵی و دەسەی دەروازەیل سنووری و گومڕگ سەردان ئی چوار دەروازە کردنە، و رویپێوی مەیدانی ئەرا کڕ سنووری ئەنجام دانە، و و راسپردەیگ ئامادەکریاس ئەرا ئەنجومەن وەزاری ئەرا ئابووری بەرزەو کریاس تا دەنگدان لەبانی و پشت بوەسن پێ وە شێوەیگ فەرمی.
دلێمی وەردەوامی دا وە قسەیلی کە جویر سێیەم بریتییە لە دەروازەیل سنووری کە وەلایەن هەردوو حکومەت هەرێم و فیدراڵی توومار نەکریانە، و دیاریکرد شمارەیان فەرەس، و دانوەپینریاگ نین.
دیاریکرد، لایەنەیل پەیوەنیدار لە هەرێم وە نامەیگ فەرمی داوا لە حکومەت فیدراڵی کردنە ئەرا بەسانن ئەو دەروازەیلە، کە وە گیچەڵیگ گەورە وەوسفیان کرد، و کاریگەری کەنە بان ئابووری هەرێم و پارێزگایەیل فیدراڵی.