شەفەق نیوز/ وەڕێوەبەرایەتی بەڕەنگاربوینەوەی مادەی هووشبەر لە پارێزگای هەولێر پایتەخت هەرێم کوردستان، ئمڕوو پەنجشەممە، خەوەردا لە شمارەیگ توومەتبار لە دوو ئۆپراسیۆن، و دەسگرد وەبان 40 کگم مادەی هووشبەر "کریستال"، و 19 کتاو رویپووش کریاگ وەهەمان مادە.
وەڕێوەبەرایەتەگە ئمڕوو لە بەیاننامەیگ راگەیان، لە دوو چالاکی لە یەکەمیان دەسگیریا وەبان 19 مەلزەمە لە شیوەی کتاو کە وە مادەی کریستال روی پووش کریاوی ئامادەکریاوین ئەرا گواستنەوەیان ئەرا بەریتانیا، لە دویەم چالاکی تیم وەڕێوەبەرایەتیەگە لە شار هەولێر سێ توومەتبار دەسگیرکرد کە (40) کیلوگرام مادەی کریستال هووشبەر وەپییان بوی.
وەپای بەیاننامەگە، ئۆپراسیۆن یەکەم وە فەرمان دادوەر لێکۆلەر ئاسایش بوی، وەڕێوەبەرایەتی بەڕەنگاربوین مەدەی هووشبەر دەزگای ئاسایش هەرێم کوردستان / سلێمانی خەوەردار کریا لە دوو توومەتبار سەرچەوەی کتاو وە مەبەست دەسوەسەرکردنیا، وەپایزانیاریەیل بڕیگ ترەک مادەی هووشبەر ئامادەکریاس ئەرا گواستنەوە.
وتیش، دوو توومەتبارەگە وەپای یاسای بەڕەنگاربینەوەی مادەی هووشبەر دەسگیرکریانە هانە ژیر لێکۆڵینەوە.