شەفەق نیوز/ پارێزگای هەولێر، ئمڕوو سێشەممە، بەسانن چێشتخانەیگ راگەیان کە نرخ خوەراکی فرە گران بویە.
پارێزگاگە لە بەیاننامەیگ رەسیە ئاژانس شەفەق نیوز وت: دویای بڵاوکردن پارچە ڤیدیۆی چێشتخانەگە لەبان فرووشتن خوەراک وە نرخیگ خەیاڵی، دەسەڵاتەیل ئەو چێشتخانە بەسان، لەوەر پابەندنەوین وە رینمایەیل.
سایتەیل سۆشیال میدیا پارچە ڤیدیۆیویلیگ ئەرا چێشتخانەیگ لە هەولێر بڵاو کردن، کە تاقیگ خوەراک وە نرخ ١٣٠ ملیۆن دینار فرووشێد کە کەێدە ٨٧ هەزار دۆلار، کە خوەراکەگە وەناو "كوردستان"ە، و بایەسە ئەو کەسە بخوەێدەی سیڤی پیشکەش بکەێد تا ئەو خوەراکە وە کەشوهەوایگ جیاواز و لەناو قاو و کەمچک تەڵایی و پەڕوو ئاوریشم وەپی بیریەێد.