شەفەق نیوز/ سەرچەوەیگ لە وەزارەت دارایی وئابووری لە هەرێم کوردستان، ئمڕوو سێشەمە، خەوەردا ک دویای رێککەفتنیگ وەگەرد حکومەت عراق، بایەسە سێ مووچە ک لە ساڵ ٢٠١٨ نەیریاگە، وەپاشەکەوت دانریەێد، وهەمیش هەر مووچەیگ لەو مووچەیلە وەمانگەگەی خوەی ئاشناوە بکریەێد.
سەڕچەوەگە وت؛ وەگورەی ئەو رێککەفتنە ناوبەین حکومەت هەرێم کوردستان و حکومەت فیدڕاڵی، بایەسە ژمێریاری کۆتایی بکریەێد، و مانگانە مووچەگان لە هەرێم وەهاووەختی وەگەرد خەرجکردنی لە بەغداد دابەش بکریەێد، وئاماژەدا ک مووچەیل ئەو سێ مانگە لە ساڵ ٢٠١٨ لەلایەن حکومەت وەرین هەرێم نەیریاگە، بایەسە وەپاشەوکەوت دانریەێد.
سەرچەوەگە هەمیش وت: وەگورەی رێککەفتنەگە، بایەسە حکومەت هەرێم کوردستان مووچەگان وەگورەی میکانزم دابەشکردن مانگانە لە عراق خەرج بکەێد، و وەگەردیا رێکی بکەێد، و ئەویش لەی مانگەەو دەسوەپی بکریەێد.
سەرچەوەگە ئاماژەدا ک حکومەت کوردستان دەور ٢٧ ملیار دۆلار قەرزارە، وتیش؛ حکومەت ئیسەی هەرێم کوردستان ١١ موچە خەرج کردگە، و وەی نزیکە دەسکەێدە خەرجکردن مووچەی ژمارە ١٢.