شەفەق نیوز/ وەزارت تەندروسی لە هەرێم کوردستان، ئمڕوو پەنجشەممە، راگەیان تۆمارکردن زیاتر لە ١٠٠٠ تووشهاتن نوو وە ڤایڕۆس کۆڕۆنا لەماوەی ٢٤ ساعەت گوزەیشتە، تا گشت ژمارەی تووشهاتنەکان بڕەسێدە ١٢٩٣٥٦.

هەرێم کوردستان لە بەیاننامەیگ رەسیە ئاژانس شەفەق نیوز وت: ١٠٩٢ تووشهاتن نوو تۆمار کرد، وەیجوورە بەشەوە بوین: ٢٦٣ هەولێر، ٢٩٩ سلێمانی، ٤٢٥ دهۆک، ٣ هەڵەبجە، ٧٤ گەرمیان، ٢٨ راپەڕین.

وەزارەتەگە وتیش: ٤٨٣ بیمار لە پەتاگە خاسەو بوین وەیجوورە: ٩٢ هەولێر، ٨١ سلێمانی، ٢٨٩ دهۆک، ١ هەڵەبجە، ١٩ گەرمیان، ١ راپەڕین، تا گشت ژمارەی خاسەوبویەکان بڕەسێدە ١١٢٨١٧.

وەزارەتەگە هەمیش پەنج مردن وە ڤایڕۆس کۆڕۆنا تۆمار کرد، وەیجوورە: ٢ هەولێر، ١ سلێمانی، ١ دهۆک، ١ گەرمیان، وەیەوە گشت ژمارەی مردنەکان لە هەرێم کوردستان رەسیە ٣٧٦١.