شەفەق نیوز/ حکومەت هەرێم کوردستان، ئمڕوو دووشەممە، دەسکردن وە هەناردەی بەرهەم پەتاتە ئەرا دەوڵەت ئیمارات راگەیان.
ئومێد خۆشناو پارێزگار هەولێر لە وتاریگ لەناو بەشداریکردنی لە رسوومەیل دەسکردن وە هەناردە ک پەیامنێر ئاژانس شەفەق نیوز ئامادەی بوی وت: بەرهەم پەتاتە لە هەرێم کوردستان ئمساڵ رەسیە ٦٥٠ هەزار تەن لە وەختیگ خواردن ناوخوەیی رەسیە ١٠٠ هەزار تەن، واتە توەنیمن ئەو بڕە زیایەگە ئەرا دەیشت وڵاتەگە هەناردە بکەیمن.
وتیش؛ ئومید خوازیمن هەناردەکردن تەنیا لەبان پەتاتە نەوسیەێد، بەڵکم بڕەسێدە ئەو بەرهەمەیل ناوخوەیی.
پەیامنێر ئاژانس شەفەق نیوز وت: پەنج هەزار تەن پەتاتەی هەرێم کوردستان ئەوەسا ئەرا دەوڵەت ئیمارات هەناردە کریەێد.
وەرجە چەن مانگیگ، هەرێم کوردستان ئەرا یەکەمین جاری، دەسکرد خەناردەکردن ئەنار ئەرا دەوڵەت ئیمارات.