شەفەق نیوز/  وەڕێۆبەرایەتی کەشوهەوا و رەوانگەی زەویلەزە لە هەرێم کوردستان، ئمڕوو سێشەممە، پێشبینی کرد ک ناوچەیل هەرێم وەتایبەت کوێەگان کەفنە وەر شەپۆل سەختیگ لە یەخ و واران و تا سێ رووژ وەپی چوود.

وەڕێۆبەرایەتیەگە بەیاننامەیگ ئمڕوو وت: لە ساعەتەیل زوی لە شەوەکی رووژ پەنجشەممە ٢٠٢١/١/٢٨ کەشوهەواگە ئاڵشت بوود، و ئاسمان هەرێم وەتەواوی پڕ لە ئەور بوود، وەگەرد نمە وارانیگ و کەمیگ یەخ لە ناوچە کوێەگان و بەرزاییە سنووریەگان.

و دیاری کرد ک دویای ئەەوە، لە بەشیگ لە ناوەندەیل قەزا و ناحیەگان واران رفتیگ وارێد، و لووتکە بەرزەگان کەفنە وەر یەخ وارین، و ئاماژە کرد ک کاریگەری ئی شەپۆلە کەفێدە بان سنوور پارێزگای هەولێر و دهۆك، وەگەرد واران بەش بەشیگ لەو ناوچەگان.

وەڕێۆبەرایەتیەگە ئاماژە کرد ک لە رووژ جمعە، ئاسمانەگە پڕ لە ئەور بوود، وەگەرد نمە وارانیگ، وەلی ناوچەیل سنوور باشووری پارێزگای سلێمانی کەفنە وەر واران فرەیگ، و ئاماژە کرد ک وارانەگە لە ئیدارەی ناوچەی گەرمیان ناوڕاسی بوود.

وەڕێۆبەرایەتیەگە هەمیش وت: لە رووژ شەممە لە هەفتەی ئایندە، وارانەیل کەمیگ لە بەشیگ لە ناوچەگان بوون، و رووژ یەکشەممە شەبۆلەگە وە یەکجاری تەواو بوود.