شەفەق نیوز/ وەزارەت پەروەردەی حکومەت هەرێم کوردستان، ئمڕوو جمعە، راگەیان کە ئەوەسا وەرجە هەفتەیگ لە مەوقەی هەڵوژاردن پەرلەمان، دەسکەێدە ئامادەکردن مەکتەوەیل.
نویسینگەی راگەیانن و زانیاری لە حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: ئەنجومەن وەزیرەیل کوردستان، فەرمان دادە وەزارەت پەروەردە وە گرنگی ئامادەکاری وەرجەوەختە ئەرا مسۆگەرکردن مقیەتیکردن بینا و کەرەستەیل مەکتەوەیل وەرجە جیوەجیکردن هەڵوژاردن پەرلەمان هەرێم کوردستان.
وتیش: وەزارەتەگە ئەرکدار کریاس وە ئامادەکردن بنکەیل هەڵوژاردن لەناو مەکتەوەیل وەرجە هەفتەیگ لە مەوقەی هەڵوژاردن، وەگەرد دووپاتکردن لەبان گرنگی مقیەتیکردن دامودەزگایل خوەنەواری.
وەگورەی مەرسوم سەرۆکایەتی هەرێم کوردستان، بڕیارە لە ٢٠ تشرین یەکەم ئایندە هەڵوژاردن پەرلەمان هەرێم کوردستان وەڕیەو بچوود.