شەفەق نیوز/ ئەنجومەن پارێزگای سلێمانی لە هەرێم کوردستان، ئمڕوو سێشەممە، ژمارەیگ پۆست یەکلاوەکرد، وژنیگ هەڵبژارد ئەرا پۆست جیگر پارێزگار. ئەنجومەنەگە لە بەیاننامەیگ ك رەسیە ئاژانس شەفەق نیوز لە باوەت کۆبونەوەیل ئمڕوو و دەنگداین ئەرا پەسەنکردن ژمارەیگ لە وەڕیەوبەریە گشتیەگان و جیگر نوو پارێزگار، ئاماژەدا؛ کۆبونەوەگە وە ئامادەبوین دەسەی سەرۆکایەتی ئەنجومەگە و ٢٤ ئەندام لە بنچینەی ٣٢ ئەندام ئه‌نجام دریا، ک ٢٧ لەلیان دەنگدان وە پەسەنکردن لەیلا عومەر عەلی ئەرا پۆست جیگر پارێزگار، ئەرا باوەتە ئیداریەگان، و ٢٧ لەلیان دەنگدا نەسردین ئەحمەد ئەرا پۆست وەڕیەوبەر گشتی تەندروسی سلێمانی وەشیوەیگ فەرمی. بەیاننامەگە هەمیش وت: لە کۆبونەوەگە ٢٧ دەنگ دریا وه‌ عەلی رەئوف غەفور ئەرا پۆست وەڕێوبەر گشتی گەشتیاری لە سلێمانی، و١٨ ئەندام دەنگدان ئەرا پەسەنکردن دەرباز قادر محمد ئەرا پۆست وەڕێوبەر ناحیەی خەلکان لە قەزای دۆکان، و ئاوارە حەمە شەریف ١٩ دەنگ وەرگرد ئەرا پۆست وەڕێوبەر ناحیەی وارماوە لە قەزای شەهرەزوور. بەیاننامەگە ئاماژە دا؛ ٢٥ لە ئامادەبویەیل لە کۆبەنەوەگەی ئمڕوو دەنگدان ئەرا پێشنیار فراوان کردن سنوور ئاوای تەرماری سەرۆ لە ناحیەی پیرەمەگرون سەروە قەزای دۆکان. وتیش ٢٠ ئەندام دەنگدان ئەرا ئاڵشتکردن ناو بەکی ئەرا دانای حاجی ساڵح لە ناحیەی بەکرەجۆ سەروە قەزای سلێمانی.