شه‌فه‌ق نيوز/ نێچيروان بارزانى سه‌رۆك هه‌رێم كوردستان، وه‌ تونى شه‌رمه‌زار ئه‌و په‌لاماره‌ كرد ك ئه‌نجام دريا ئه‌را بان سه‌ربازگه‌يگ له‌ تاجى له‌ به‌غداى پايته‌خت و له‌تى هيزه‌يل هاوپه‌يمان ناوده‌وڵه‌تى كرده‌ ئامانج.

بارزانى له‌ به‌ياننامه‌يگ وت: وه‌ تونى ئه‌و په‌لامار مووشه‌كييه‌ شه‌رمه‌زار ئه‌كه‌يم ك هيزه‌يل هاوپه‌يمان ناوده‌وڵه‌تى له‌ تاجى كرده‌ ئامانج و چه‌ن كوشياگ و زه‌خمداريگ له‌لى كه‌فته‌و له‌ڕز سه‌ربازه‌يل هاوپه‌يمان ناوده‌وڵه‌تى.

جى باسه‌، بارزانى داوايش له‌ لايه‌نه‌يل وه‌رپرس كرد ئه‌نجامده‌ره‌يل ئه‌و په‌لامار ده‌سگير بكه‌ن و پيشكه‌شيان وه‌ دادگا بكريه‌ێد.