شهفهق نیوز/ ئنتخابات مهجڵس ده لا خوار ئوستان ئیلام فهیلی، وه خاتر یه هیچ کام له نههوهکارهیل ئنتخاباتی ده ئی دهوره نهتوانستن ئهو دهنگه ک بایهد بیارن، کیشریا وه دهور دوێم.
بێهزاد عهلیزاده ک موعهلمی و شههرداری و فهرمانداری، بهشێ له رزومهی کارییهگهیه، وهرد سادق کهرهمی ک تا قهیرێ ده پارلمان ئێران، جوور کارمهند نمایندهگی پارلمانی چهن جی کار کردگه و مودیر عامڵ چهن شرکهت نیمهدهوڵهتی بۊه، چگنهسه بان و هامدارهکی ده نامهینێیان دواره دهمیاگه.
کهرهمی له هووز زهڕووش ئاودانان و ئێڵوهند ئێڵ کورده، عهلیزادهیش هه لهیوا ئێڵوهند ئێڵ کورد و له هووز شهلیاروهنده.
موحهمهد نهوزهرپوور، رهییس ستاد ئنتخابات ئوستان ئیلام، وت: ده ئی ناوچه نزیکهی ۱۳۳ هزار و ۵۴۲ نفر کهس، ک ۶۷ هزار و ٩٩٥ لهیان پیاگ و ۶۵ هزار و ۵۴۷ لهیان ژنن، پا نانه وه سن و ساڵ قانوونی ئهڕا دهنگ داین ده ئی دهوره.
ئهو جوور موعاون سیاسی - ئهمنیهتی ئوستان ئیلام گووشهجهڕهی فهرماندارهیل ئی ناوچه دا ک ئهڔا خاتر دایرهی کرونا، نووای ههر کوو بیینێ ک دزانن ده ئهورهیله هادهێ مهردم بوو بژنهون و تۊش بیمارییهگ ببن، بگرن و گشتێیان کارێ بکهن ک شاروهندهیل لاخوار ئیلام، دروتوکولهیل بهداشتی ده رای داینهگه بگرنه وهر چاو و پا چهفت نهنن.
خاسه بزانن ک ئوستان ئیلام، وه بان یهکهو سێ نوێنهر ده پارلمان ئێران دیرێ ک ده دهور ئهوهڵ و یهکچهکی، ده لاژۊهر ئوستان خانم دوکتور سارا فهلاحی له ئێڵ کهڵهوڕ ئیلام و عهلیئهکبهر بهستامی له ئێڵ ئهرکوازی ئیلام چگنه مهجڵس و ئێسه سهرهی ئهڵوژاردن نوێنهره ده لاخوار ئوستان ک ئهڵوژادنهوه چگهسه چهک دوێم خوهی.
لاخوار ئیلام ک تا ههشت ساڵ سهرهتای رژیم رزاشای پههڵهوی، ئوو نزیکهی پانسهد ساڵ وهر ژه ئهوه، وه نام "سهفحهی کورد" ناسریاگه و ده بهڵگهنامهی حکوومهت پێشتکۆ والییهیل کورد فهیلی، هه وهیجووره لهی ناو بریاگه، فرهترێیان له هووزهیل ئێڵ کوردن ک وه کوردهلی ههم ناو دهر کردنه.
ئێڵوهندهیل ئی ئێڵه ک خاستگای شاره بۊچگهڵهی پههڵهسه، یهکێ پرحهشیمهترین ئێڵهیل ئوستان ئیلامه.
بێژه ئێڵ کورد، ئێڵ کوردزوان بهیرهی "بهدرهیی" دوێمین ئێڵ ئی ناوچهسه و دۊمای ئهوان ئێڵات لوڕزوان و لهکزوان و عهراوزوان،بڕ بڕ نیشتهجی ئی ناوچهنه.
شارستانهیل دێهلوڕان، ئاودانان، دهڔهشههر و بهدره، چوار فهرمانداری لاخوار ئیلامن.
ههواڵنیار: رودوس فهیلی
بێهزاد عهلیزاده ک موعهلمی و شههرداری و فهرمانداری، بهشێ له رزومهی کارییهگهیه، وهرد سادق کهرهمی ک تا قهیرێ ده پارلمان ئێران، جوور کارمهند نمایندهگی پارلمانی چهن جی کار کردگه و مودیر عامڵ چهن شرکهت نیمهدهوڵهتی بۊه، چگنهسه بان و هامدارهکی ده نامهینێیان دواره دهمیاگه.
کهرهمی له هووز زهڕووش ئاودانان و ئێڵوهند ئێڵ کورده، عهلیزادهیش هه لهیوا ئێڵوهند ئێڵ کورد و له هووز شهلیاروهنده.
موحهمهد نهوزهرپوور، رهییس ستاد ئنتخابات ئوستان ئیلام، وت: ده ئی ناوچه نزیکهی ۱۳۳ هزار و ۵۴۲ نفر کهس، ک ۶۷ هزار و ٩٩٥ لهیان پیاگ و ۶۵ هزار و ۵۴۷ لهیان ژنن، پا نانه وه سن و ساڵ قانوونی ئهڕا دهنگ داین ده ئی دهوره.
ئهو جوور موعاون سیاسی - ئهمنیهتی ئوستان ئیلام گووشهجهڕهی فهرماندارهیل ئی ناوچه دا ک ئهڔا خاتر دایرهی کرونا، نووای ههر کوو بیینێ ک دزانن ده ئهورهیله هادهێ مهردم بوو بژنهون و تۊش بیمارییهگ ببن، بگرن و گشتێیان کارێ بکهن ک شاروهندهیل لاخوار ئیلام، دروتوکولهیل بهداشتی ده رای داینهگه بگرنه وهر چاو و پا چهفت نهنن.
خاسه بزانن ک ئوستان ئیلام، وه بان یهکهو سێ نوێنهر ده پارلمان ئێران دیرێ ک ده دهور ئهوهڵ و یهکچهکی، ده لاژۊهر ئوستان خانم دوکتور سارا فهلاحی له ئێڵ کهڵهوڕ ئیلام و عهلیئهکبهر بهستامی له ئێڵ ئهرکوازی ئیلام چگنه مهجڵس و ئێسه سهرهی ئهڵوژاردن نوێنهره ده لاخوار ئوستان ک ئهڵوژادنهوه چگهسه چهک دوێم خوهی.
لاخوار ئیلام ک تا ههشت ساڵ سهرهتای رژیم رزاشای پههڵهوی، ئوو نزیکهی پانسهد ساڵ وهر ژه ئهوه، وه نام "سهفحهی کورد" ناسریاگه و ده بهڵگهنامهی حکوومهت پێشتکۆ والییهیل کورد فهیلی، هه وهیجووره لهی ناو بریاگه، فرهترێیان له هووزهیل ئێڵ کوردن ک وه کوردهلی ههم ناو دهر کردنه.
ئێڵوهندهیل ئی ئێڵه ک خاستگای شاره بۊچگهڵهی پههڵهسه، یهکێ پرحهشیمهترین ئێڵهیل ئوستان ئیلامه.
بێژه ئێڵ کورد، ئێڵ کوردزوان بهیرهی "بهدرهیی" دوێمین ئێڵ ئی ناوچهسه و دۊمای ئهوان ئێڵات لوڕزوان و لهکزوان و عهراوزوان،بڕ بڕ نیشتهجی ئی ناوچهنه.
شارستانهیل دێهلوڕان، ئاودانان، دهڔهشههر و بهدره، چوار فهرمانداری لاخوار ئیلامن.
ههواڵنیار: رودوس فهیلی