شەفەق نیوز/ موسەنا ئەمین نوینەر یەکێتی نیشتمان کوردستان، ئمڕوو چوارشەممە، دووپات کرد کە وەزارەت دارایی فیدڕاڵی مووچەی مانگ ئاب گوزەشتە ئەرا هەرێم کوردستان کل کرد، وەگەرد دووپاتکردن لە وەردەوامی کلکردن مووچەیل مانگەیل بانان.

ئەمین لە بەیاننامەیگ رەسیە ئاژانس شەفەق نیوز وت: پرسیم لە تەیف سامی وەزیر دارایی ئەڕا چە مووچەیل هەرێم کوردستان لە مەوقەی خوەی نەڕەسیە، کە فەرمانبەرەیل مووچەی دوو مانگ نەگردنە.

وتیش: سامی دووپات کرد کە مووچەی مانگ ئاب گوزەشتە کلی کریاس، و وەزارەتەگە کار ئەرا کلکردن مووچەیل مانگ ئەیلوول و تشرین یەکەم کەێد، تا لە بانان مووچە دیر نەکەفێد.

وتیش: شیوەیگ لە بەدفامستن ناوەین حکومەت هەرێم کوردستان و حکومەت فیدڕاڵی هەس، لەباوەت میکانیزم هەشمارکردن مووچەیل، و بایەسە کار ئەرا پەیاکردن چارەسەریەیل ئی ئی گیچەڵە وە زویترین وەخت بکریەێد.