سلێمان سەعید قائیمقام قەزای دەربەندیخان ئمڕوو لە بەیانامەیگ وت، گومانکریەێد ئەو کەسەگ دیاری نەمەنییە کەسەگە نقووم بویە و تیمەگە هان لە پەیوەندی ئەرا مینەکردنی .
وتیش" وەپای شایەتحالەیل، بەلەمەگە لە حالەت ئامادەباشی بویە هەنای وە خێرایی دەسکردیە وە جویلە و بویەسە هووکار پلیان بەلەمەگە ونقومبوینی لە ئاو لە ساعەت دەی دویەشەو، و وە لایەن هێزەیل ئاسایش لێکۆڵینەوە وەردەوامە"
وتیش، کەسە نقومبویەگە خەڵک دەبەندیخانە و 37 ساڵانە، خێزاندادارە و خاوەن یەک مناڵە.
هەمیش سەرچەوەیگ لە وەریەوبەرایەتی پارێزگای سلیمانی راگەیان شمارەیگ هاوڵاتی وە رویداو هاتوچو زەخمدار بوینە.
سەرچەوەگە لە بەیانیگ وە ئاژانس شەفەق نیوز وت، پەنج کەس لە ئەندامەیل یەک خێزان تویش زەخمداری هاتنە لەئەنجام لەدەسدان کۆنترۆڵ ماشینیگ لە جویر " مازدا" و پلیانی لەبان ری سلێمانی- کەرکوک لە نزیک قەزای بازیان.
وتیش، زەخمدارەیلە سێیانیان مناڵن دوانیش داڵگ و باوگن دووپاتکرد ئەرا چارەسەرکردن کلکریانە خەسخانە.