شەفەق نیوز/ ديندار زيباري هەماهەنگکار تەمەیل ناودەوڵەتی لە حکومەت هەرێم کوردستان، ئمڕوو سێشەممە، راگەیان؛ نزیکەی ٦٠ مەکتەو تایبەتکریاگ ئەرا خەڵک پیکاتەیل تورکمان و سریانی وەزوان خوەیان خوەنەواری ئەنجام دەن، ئەوەیش لە چوارچیوەی بتەوکردن وەیەکەوژیان ناوبەین پیکاتەیل لە هەرێم کوردستان.
زیباری لە کۆنگرەیگ رووژنامەوانی وت: گشت پیکاتەیل لە هەرێم کوردستان ماف خوەنەواری وە زوان داڵگی خوەیان دیرن لە ناوچەیلە ک خوەیان لەناویان فرەترینن.
وتیش: ١٨ مەکتەو ئەرا تورکمان هەس، و ٤٩ مەکتەو ئەرا سریان لە هەرێم کوردستان، وتیش: نزیکەی هەفتە هەزار خوەنەوار و فێرخواز لەناو مەکتەوەیل سریانی لە هەرێم کوردستان خوەنن.
زیباری وتیش: دەسەیگ تایبەت لە دهۆک دیریمن کار لە باوەتەیل ئاین ئێزدی کەێد، و یە وە گرنگیدان جدی و تایبەت وەی چینە لەناو کۆمەڵگا دریەێدە قەڵەم.