شەفەق نیوز/ ئەنجومەن وەزیرەیل هەرێم کوردستان بڕیارەگەی وەزارەت دارایی فیدراڵی ئەرا وسانن بودجە ئەرا مووچەی فەرمانبەرەیل و کراکارەیل کەرت گشتی لە هەرێم وە "نادەستووری و نایاسایی و سزادان زەکۆمەڵ ئەرا هاووڵاتیان" زانست.
ئی هەڵوێستە لەناو گردەوبوین ئاسایی هەفتانەی ئەنجومەن وە سەرۆکایەتی مەسرور بارزانی سەرۆک حکومەت و وە ئامادەبوین قوباد تاڵەبانی جیگر سەرۆک ئەنجومەن نوێنەرەیل دەرچگ.
وەگورەی بەیاننامەی ئەنجومەن وەزیرەیل، بڕگەی یەکەم کارنامەی گردەوبوینەگە دیاری کریا ئەرا وەدویاچگن ئەنجومەن وەزیرەیل وە پرس مووچەی فەرمانبەرەیل هەرێم کوردستان، مەسرور بارزانی دووپات لەوە کرد کە هەرێم گشت ئەرکەیلی جیوەجی کردوگە و گشت داتا و زانیارییە داراییەیل وە ئاشکراییگ تەواو پیشکەش تیم هاوبەش دەسەی هویردبوینی باڵای فیدراڵی و هەرێمایەتی کردگە.
باس ڕێککەفتن سەرەتای ساڵ دارایی 2025 کرد کە له ناوەین وەزارەت دارایی فیدراڵی و هەرێم واژوو کریاس، که ئامانجی مسۆگەرکردن مووچەی تەواوە ئەرا مانگەیل ئمساڵە، و. پشتبەسین وە بڕیار دادگای فیدراڵی کە هەر ناکۆکییگ ناوەین دوو حکومەت نەوودە دەسپیچگ یا مدووەیگ ئەرا وسانن تەواو مووچەی هەرێم، یەیش لە وەختیگ کە لە دەستوور عراق پرەنسیپ یەکسانی ناوەین گشت عراقیەیل دیاری کریاس، و دادگای فیدراڵی دووپاتیش لە گرنگی رەفتارکردن وەرد فەرمانبەرەیل هەرێم کوردستان وەشیوەیگ یەکسان وەرد هاوتاگانیان لە حکومەت فیدراڵ کردگە.
ئەنجومەنەگە دووپاتیش کرد کە تا ماوەی هەشت مانگ ئایندە مووچەی فەرمانبەرەیل هەرێم کوردستان وە هەر دەسپیچگیگ نەبایەس بووسێد، وەتایبەتی وەگەرد نزیکەوبوین جەژن قوربان. ئەنجومەن بڕیارەگەی ئی دویایی حکومەت فیدراڵیە وە بڕیاریگ سیاسی زانست کە سزا وەبان هەرێم چەسپنێد و سزای وەکۆمەڵ وەبان گشت مەردم دروس کەێد.
لەی باوەتە، ئەنجومەن وەزیرەیل دووپات کرد کە بڕیار وسانن بودجە ئەرا مووچەی هەرێم کوردستان نادەستوورییە و نایاساییە. داوا لە ئەنجومەن وەزیرەیل فیدراڵی کرد کە وەدویاچگن گشتگیر ئەرا بڕیارەگەی وەزارەت دارایی فیدراڵی بکەێد، لە ژیر رووشنایی بڕیارەگەی دادگای باڵای فیدراڵی، ئەرا دڵنیابوین لەوەگ فەرمانبەرەیل هەرێم بیبەش نەوون لە مافەیلیان و جیوەجیکردن ڕێککەفتن هاوبەش ئی دویاییە ناوەین وەزارەت دارایی فیدراڵی و هەرێم، و بڕیاردریا نامەیگ فەرمی ئەرا کۆمەڵگەی ناودەوڵەتی و نوێنەر وڵاتەیل کل بکەێد کە رەهەندە دەستووری و یاسایی و داراییەیل ئەو پرسە ئاشکرا بکەێد و داوای هەماهەنگی و پاڵپشتی ئەرا چارەسەرکردن کێشەی مووچەی هەرێم لە چوارچیوەی دەستور بکەێد.