شەفەق نیوز/ دەیان كه‌س لە ناڕەزایەیل ئاویەگان ئیسڵاح و شێخ باوە لە باکوور جەلەولا سەروە پارێزگای دیالە، خۆپیشان کردن لەوەر خراوبوین رەوشە ئه‌منی، و وەردەوامی پەلامارە تیرۆرستەگان لەبان کشاورزەیل وخڵکەگە وشیوەیگ دیار.
ئەبو ئەحمەد حەیالی، یەکی لە ئامادەکەریل خۆپیشاندانەگە ئەرا ئاژانس شەفەق نیوز وت؛ داوا لە دەزگا ئەمنیەگان کەیمن چارەسەر یەکجاری ئەرا پەلامارە تیرۆرستیەگان وخراوبوین رەوشە ئەمنیەگە بنەن، ک جفتیارەیل کەێدە ئامانج، ونێەیلێد بچیمنە بوسانەیل خوەمان، و زەرەد دارایی گەورایگ وەپیمان رەسانگە، وتیش؛ خەڵک ئاوای ئیسڵاح وباکوور جەلەولا لەبان کشتوکاڵی وباخ ژیان کەن جوور تاقە سەرچەوەیگ ئەرا ژیان.
هەمیش وت؛ وەردەوامی پەلەمارەیل داعش لە ناوچەگە لەئاوایەیل باکوور جەلەولا گیان فرەیگ لە دانیشتوەیل سه‌ند، وبی هویچ چارەسەریگ لە لایەنە هیزه‌یل ئەمنی وچەکدارەیل حكومی ک وەرپرسن لەبان باوەت ئەمنی لە جەلەولا.
حەیالی وتیش؛ ناڕەزایەگان ری سلێمانی- بەغداد بڕین، وواز نایه‌ریمن تا داواکاریمان ئەنجام نەدریەێد وە پاکەوکردن باخو بوسانەیل كه بینه‌سه شوون حه‌شار داعشه‌یل تیرۆرست، و وتیش؛ ئاوای ئیسڵاح هویچ پلان کشتوکاڵی تاوسانییگ ئەرای نەنریاگە، له‌وەر هەڕشەیل داعش وپەلامارە تیرۆرستیەگان ك هەر ماوەیگ جاریگ، خراو وه‌سه‌ر ژیان روژانەی دانیشتوەیل ناحیەگە تیه‌رێد.