شەفەق نیوز/ وەزیر ناوخۆی هەرێم کوردستان، ئمڕوو سێشەممە، راگەیان؛ کوشتن و خوەیکوشتنەیل لەناونی هاوسەرەیل بویەسە سیمایگ، و لە خود وەختەگە میدیایلیگ راگەیانن هەس دەور خراویگ لەی باوەتە رانن.

ئەوەیش لە وەڵام پرسیاریگ لەناو کۆنگرەیگ رۆژنامەوانی دەربارەی کوشتن ژنیگ وەدەس شویەگەی وەچەن گولەیگ لە هەولێر.گ هات.

ئەحمەد وت: بەشیگ لە میدیاکان پەیامەیل پیچیگ لەو رووداوەیل کل کەن، ک وەو پەیامەیلە هان دەن ک هەر کەسیگ بەکفێدە وەر گیچەڵیگ توێنێد وەگشت ئاسانیبگ خوەی بکوشیێد یا یەکیگ تر بکوشێد.

وەزیرەگە داوا لە میدیایل راگەیانن کرد لەجیای پۆلیس و دەزگا ئەمنیەکان نەکفنە ئەرک لێکۆڵینەوە لەیجوور رووداوەیلیگ، و لەجیای دادگا فەرمان و بڕیار نەیەن، و دیداری وەگەرد توومەتبارەیل نەکەن، ک ئەوە پێشێلکردنە لە یاسا.

هەمیش وت: داوا لە بانگەشەی گشتی کردیمن بکەفنە شوون کارەیل ئەو میدیایلە ک لە دەیشت چوارچیوەی رۆژنامەوانی کار کەن، و سیمای کوشتن و خوەیکوشتن پووشن.