شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، دووپات لە گرنگی وەردەوامی پشتگیریکردن ناتۆ ئەرا پاڵپشتیکردن توانایل هیزەیل پیشمەرگە کرد، لە چوارچێوەی مقیەتیکردن ئارامی و ئاسایش ناوچەگە.
ئەوەیش لە دیدار بارزانی وەرد مارك روت،ئەمیندار گشتی هاوپەیمان ناتۆ هات، لە چوارچیوەی کۆنفرانس ئاسایش میونشن.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس باوەتەیل ئاسایش لە عراق و ناوچەگە کریا، و گرنگی قایمکردن هاوکاری ناوەین ناتۆ و عراق و هەرێم کوردستان، وەتایبەت لە چین دژایەتیی تیرۆر، و پاڵپشتیکردن توانایل هیزەیل ئەمنی.
نێچیروان بارزانی سوپاس و رێزی لە پشتگیریکردن نانۆ ئەرا پاڵپشتیکردن توانایل هیزەیل پیشمەرگە کرد، و دووپات لە گرنگی وەردەوامی ئی پشتگیریکردنە کرد، لە چوارچێوەی مقیەتیکردن ئارامی و ئاسایش لە ناوچەگە.
لەلای خوەییش؛ مارك روت دووپات لە وەردەوامی ناتۆ کرد لە پشتگیریکردن عراق و هەرێم کوردستان، و باس گرنگی هاوکاریکردن وەرد هەرێم کوردستان کرد ئەرا وەدەسهاوردن ئارامی و ئاسایش لە عراق، و نواگیریکردن سەختیەیل تیرۆری لە ناوچەگە.
لە دیدارەگە باس رەوشەیل سوریا و پیشهاتەیل خوەرهەڵات ناوڕاس وەگشتی کریا.