شەفەق نیوز/ دەیان پەنابەر سوری، ئمڕوو یەکشەممە، لە گۆڕەپان  مێژوویی"قەڵای هەولێر، لەناوجەرگەی پایەخت هەرێم کوردستان گردەوبوین، ئاهەنگ رمیان رژێم  بەشار ئەسەد کردن.

ئاهەنگێرەیل ئاڵای بەرنگاربویەیل سوریا هەڵگردنە و سروود میللی سوریا چرێن کە رەنگدانەوەی خوەشیانە لە رویداوەگە.

ئاژانس شەفەق نیوز دیمەنەگە توومارکردیە کە دەوروگەرد قەڵا و جادە و بان دەوروگەردی گردیە، کە کەشیگ پڕ لە گڕوتین و سۆزە، جویر هاوسۆزیگ ئەرا داواکاری گەل سوری ئەرا ئازادی و ئاڵشتبوین.

شمارەی پەنابەرەیل سوری لە پارێزگای هەولێر لەو شارەو کەمپەیل سەر وەپێ نزیکەی  122,666 پەنابەرە، 92,740 لەلیان لە هەولێر و دەوروگەردی  زندگی کەن، ئەوەکان دابەشەو بوون وەبان کەمپەیل جیاواز جویر کەمپ داراشوکران، قوشتەپە، و کورکوسک و باسرمە.