شەفەق نیوز/ وەزارەت تەندروسی لە حکومەت هەرێم کوردستان، ئمڕوو چوارشەممە، توومارکردن ٩٤ کەس وە ڤایرۆس کۆرۆنا لە ماوەی ٢٤ سەعات گوزەشتە راگەیان، وەگەرد توومار نەکردن هویچ مردنیگ وە پەتاگە لە گشت ناوچەیل هەرێم کوردستان.
وەزارەتەگە لە بەیاننامیگ رەسیە ئاژانس شەفەق نیوز وت: تاقیگەیلی لە ماوەی ٢٤ سەعات گوزەشتە ١٧٧٣ وەشکین ئەنجام دانە، لەناویان تویشهاتن ٩٤ کەس وە ڤایرۆس کۆرۆنا ئاشکرا بویە.
بەیاننامەی وەزارەت تەندروسی هەرێم کوردستان وتیش: لە خود ماوەگە ٢٢ بیمار لە پەتاگە خاسەو بوین.
بەیاننامەگە دیاری کرد ک گشت شمارەی ئەو کەسەیلە ک لە ماوەیل گوزەشتە کەرەنتین کریانە رەسیە ٢١٨٧٢١ کەس، گشتیان دویای خاسەوبوینیان وە تەواوی لە کەرەنتین دەرکریان، و تاقیگەیل وەزارەتەگە ٤٢٦٩٤٧٥ وەشکین ئەنجام دانە، لەناویان تویشهاتن ٤٣٨٨٠٣ کەس وە ڤایرۆس کۆرۆنا ئاشکرا بویە، لەناویان ٤٣٠٧٦٦ بیمار لە پەتاگە خاسەو بوینە، و ٧٤٥١ مردنە.